வணக்கம்.
‘கணியம்‘ இதழை படித்தும், பாராட்டியும் வரும் அனைத்து அன்பு உள்ளங்களுக்கும் நன்றிகள்.
கட்டற்ற மென்பொருட்கள் பற்றிய அறிவை உலகெங்கும் வாழும் தமிழர்கள் அனைவரையும் சென்றடையும் முயற்சியில் பங்குபெறும் அனைத்து கட்டுரை ஆசிரியர்களுக்கும் உலகத்தமிழர் அனைவர் சார்பிலும் பாராட்டுகிறேன்.
கணிணியில் தட்டச்சு பயிற்சியின்றி தமிழ் எழுதுவது, மிகவும் கடினமானது. பல்வேறு கருவிகளை பயன்படுத்தி, பல மணிநேரங்களை ஒதுக்கி, அவர்கள் எழுதும் இந்த பணி, தமிழை தொழில்நுட்ப தேரிலேற்றி, அடுத்த தலைமுறைக்கு தயார்படுத்துகிறது.
விக்கிபீடியா ஊடகப் போட்டி, பிப்ரவரி 29ம் நாள் நிறைவு பெற்றது. 100 பங்கேற்பாளர்களும் 3000 படைப்புகளும் எதிர்பார்க்கப்பட்டது. ஆனால், 300க்கும் மேற்பட்ட பங்கேற்பாளர்களும், 15217 படைப்புகளும் தரப்பட்டன. இது தமிழ் விக்கிபீடியாவிற்கு கிடைத்த மாபெரும் வெற்றி. கலந்து கொண்ட அனைவருக்கும் நன்றிகள். போட்டி முடிவுகள் மார்ச் 25ல் வெளியிடப்படும். போட்டியில் கலந்துகொண்ட படைப்புகளை காண commons.wikimedia.org/wiki/Category:TamilWiki_Media_Contest
கட்டற்ற மென்பொருட்களை, தமிழில் வீடியோ வடிவிலும் கற்றுக்கொள்ளலாம். விவரங்கள் உள்ளே.
வாசகர்களின் வேண்டுகோளுக்கிணங்க, கணியம் இதழ், விரைவில் HTML வடிவிலும் இணைய தளத்தில் வெளியிடப்படும்.
‘கணியம்‘ தொடர்ந்து வளர, உங்களது உழைப்பும் தேவை. கட்டுரைகள், படங்கள், ஓவியங்கள், புத்தக அறிமுகம், துணுக்குகள், நகைச்சுவைகள் என உங்களது படைப்புகளையும் editor@kaniyam.com என்ற மின்னஞ்சல் முகவரிக்கு அனுப்பலாம்.
இந்த இதழின் கட்டுரைகள் :
- நீங்கள் கட்டாயமாக வைத்திருக்க வேண்டிய 5 கட்டற்ற மென்பொருட்கள்
- Arduino – ஓர் அறிமுகம்
- டைம் ட்ரைவ் – கால எந்திரம்
- ஈமேக்ஸ் உரைதிருத்தி – ஓர் அறிமுகம்
- க்னு/லினக்ஸ் கற்போம்
- குரோமியம் & க்ரோம்
- shutter ஒரு வரப்பிரசாதம்
- 170க்கும் மேற்பட்ட கல்லூரிகளில் FOSS LAB நிறுவும் பாஸ்கர்
- Scribus – பகுதி 3
- சூப்பர் மேன் – ஜாவாஸ்கிரிப்ட்
- அண்ணா பல்கலைக்கழகத்தின் அதிரடி கோர்ஸ்
- கிட் – Distributed Revision Control System
- வேலை வாய்ப்புகள்
- தமிழில் வீடியோ பாடங்கள்
- “Free Software” உள்ள “Free” பற்றிய விளக்கம்
- வாசகர் கருத்துகள்
- நிகழ்வுகள்
- சென்னையில் ஸ்டால்மேன்
நன்றி.
ஸ்ரீனி
ஆசிரியர்,
கணியம்
பதிவிறக்கம் செய்ய :
[wpfilebase tag=file id=6/]
Re-upload pdf file for Kaniyam-3. It is in corrupted state.
தள உருவாக்கப் பணிகளுக்காக டிசம்பர் மாதமே dev.amachu.com/redmine/projects/kaniyam தொடங்கியிருக்கிறோம். எனவே அதனையே பயன்படுத்த வலியுறுத்துகிறேன்.
என்னுடைய youtube channel, பற்றி உங்கள் இதழில் குறிபிட்டதர்காக, என்னுடைய நன்றிகள்… உங்களுடைய பாராட்டு மேலும் பல வீடியோ-கள் செய்ய உந்துதல்-ஆக இருக்கும்… மிக்க நன்றி…
தங்களுடைய கட்டுரைகள் அனைத்தும் ubuntu மற்றும் அதனைச் சார்ந்த இயங்குதளங்களுக்காக எழுதப்படுகின்றன. fedora போன்ற மற்ற இயங்குதளங்களுக்கும் சேர்த்து எழுதினால் என்னைப் போன்ற தொடக்க நிலைப் பயனர்களும் பயனடைவோம்.
நிச்சயமாக எனது அடுத்த பதிவுகளில் பெடோரா, ரெட் ஹாட் போன்ற இயக்குதளங்களை மையப்டுத்தி எழுதுகிறேன்.