லினக்ஸில் பயனர்இடவெளி மறுதொடக்கம்(userspace reboot)எனும் செயலி குறித்து அறிந்துகொள்க

இந்த கட்டுரையானது தொடக்கநிலையாளர்கள்கூட லினக்ஸில் பயனர்இடவெளி மறுதொடக்கம்(userspace reboot) என்பதுகுறித்து தெரிந்து கொள்வதற்கான ஒரு எளிய வழிகாட்டியாகும்
லினக்ஸ் அமைவு மறுதொடக்கம் செய்ய வேண்டியிருக்கும் போது, நாம் நினைப்பதை விட திரைக்குப் பின்னால் மிகஅதிகமாக நடக்கிறது. நவீன லினக்ஸ் விநியோகங்களில் மிகவும் சுவாரசியமான, பயனுள்ள இயல்புகளில் ஒன்று பயனர்இடவெளி மறுதொடக்கம்(userspace reboot) அல்லது மென்மையான மறுதொடக்கம்(soft reboot) எனும் செயலியாகும்.
பயனர் இடவெளி மறுதொடக்கம்(userspace reboot)ஆனது பின்வருமாறான செயல்பாட்டினை அனுமதிக்கிறது: சேவை அடுக்கின் விரைவான மறுதொடக்கங்கள், OS உருவாக்கமையத்தினை மூடாமல் புதிய snapshot அல்லது வழிசெலுத்திக்கு மாறுதல், புதுப்பிப்புகளைப் பயன்படுத்துவதற்கான அல்லது சுத்தமான நிலைக்குச் செல்வதற்கான குறைந்தபட்ச செயலிழப்பு நேரம்.
இந்த வழிகாட்டியில், பயனர்இடவெளி மறுதொடக்கம்(userspace reboot) என்றால் என்ன, அதன் நன்மைகள், அது எவ்வாறு செயல்படுகிறது லினக்ஸில் பயனர்இடவெளி மறுதொடக்கத்தை எவ்வாறு செய்வது என்பதுகுறித்து காண்போவோம்.
பயனர்இடவெளி மறுதொடக்கம் என்றால் என்ன?
பயனர்இடவெளி மறுதொடக்கம் என்பது உருவாக்கமைய கணினியின் firmwareஐ தவிர மற்ற அனைத்தையும் மறுதொடக்கம் செய்வதாகும். systemd254/255+ உடன், /run/nextroot/ இல் ஒரு புதிய வழிசெலுத்தியைத் தயாரித்து systemctl soft-reboot ஐ இயக்குவதன் மூலம் அதைச் செய்யலாம். உருவாக்கமையமானது தொடர்ந்து இயங்கும், சாதனங்கள் உள்ளமைக்கப்பட்டிருக்கும், பயனர் பயன்பாடுகள் சுத்தமாக மறுதொடக்கம் செய்யப்படும். குறைந்த செயலிழப்பு நேரத்துடன் கூடிய அணு (atomic) புதுப்பிப்புகளுக்கு இது சிறந்தது .பொதுவாக ஒரு பாரம்பரிய கணினியின் மறுதொடக்கம் என்பது ஒரு தொழிற்சாலையின் இயக்கத்தை முழுவதுமாக நிறுத்தம்செய்துவிட்டு அதை புதிதாகத் தொடங்குவது போன்றது. எல்லாம் நின்றுவிடுகிறது, மின் சுழற்சிகள் போன்ற அனைத்து செயல்முறைகளும் புதிதாகத் தொடங்குகின்றன.
Linux இல்,ஒரு சாதாரண மறுதொடக்கம் வழக்கமாக இவ்வாறுதான் செயல்படுகிறது அதற்கான கட்டளைவரி பின்வருமாறு:
sudo reboot or shutdown -r now என தட்டச்சு செய்திடுக.
Systemd (PID1) ஒரு சுத்தமான பணிநிறுத்தத்தைத் தொடங்குகிறது. இது பயனர் இடவெளியில் இயங்குகின்ற அனைத்து சேவைகளுக்கும் SIGTERM ஐ அனுப்புகிறது, பின்னர் SIGKILL ஐ அனுப்புகிறது.
பின்னர் அது systemd-shutdown(8) ஐ இயக்குகிறது. இது கோப்பு முறைமைகளை மீண்டும் பதிவேற்றம்செய்கிறது, இயக்கிகளை பதிவிறக்கம்செய்கிறது .உருவாக்க மையத்தை வெளியேற அல்லது மறுதொடக்கம் செய்ய அனுமதிக்கத் தயாராகிறது.
இறுதியாக உருவாக்கமையமானது reboot() system call.என்பதன் வழியாக machine reset அல்லது power‑off எனும் செயலை தூண்டுகிறது.
அந்த முழு செயல்முறையும் stopping user programs, initrd, kernel unload, firmware reset, bootloaderஇன் நிலை ஆகியவற்றை உள்ளடக்கியது.
இருப்பினும், ஒரு பயனர்இடவெளி மறுதொடக்கம் என்பது ஒவ்வொரு துறையையும் சரியான வரிசையில் முறையாக மறுதொடக்கம் செய்யும் போது தொழிற்சாலையின் செயல்திறனை சரியாக இயக்கி செயலில்வைத்திருப்பது போன்றது. இது Linux இன் பயனர்-நிலை பக்கத்தை மட்டுமே மறுதொடக்கம் செய்கிறது.
தொழில்நுட்ப ரீதியாக, ஒரு பயனர்இடவெளி மறுதொடக்கம் (systemd இல் மென்மையான மறுதொடக்கம் அல்லது பொதுவாக பயனர் மறுதொடக்கம் என்றும் அழைக்கப்படுகிறது) உருவாக்கமையத்தினை உண்மையில் மறுதொடக்கம் செய்யாமல் அனைத்து பயனர் செயல்முறைகளையும் கணினி சேவைகளையும் மறுதொடக்கம் செய்கிறது.
மேலே கூறிய அனைத்தும் புதியதாகத் தொடங்கும் வரை உருவாக்க மையமானது இயங்கிக் கொண்டே இருக்கும். இந்த அணுகுமுறை குறிப்பிடத்தக்க நேரத்தை மிச்சப்படுத்தும் , கணினியின் செயலிழப்பு நேரத்தைக் குறைக்கும்.
பயனர்இடவெளி மறுதொடக்கம் இப்போது systemd 254/255 அல்லது புதியதைப் பயன்படுத்தி நவீன லினக்ஸ் விநியோகங்களில் உள்ளமைக்கப்பட்டுள்ளது.
எடுத்துக்காட்டாக, சில நாட்களில் வெளியிட திட்டமிடப்பட்டுள்ள Debian 13 “Trixie”, பெட்டிக்கு வெளியே மென்மையான-மறுதொடக்க கட்டளையை உள்ளடக்கியது.
இது எவ்வாறு செயல்படுகிறது? (பொதுவான செயல்முறையின் கண்ணோட்டம்)
முதலில், systemd (பெரும்பாலான நவீன லினக்ஸ் விநியோகங்களில் உள்ள init அமைப்பு) அனைத்து இயங்கும் செயல்முறைகளையும் சரியாக மூட சமிக்ஞை செய்கிறது. சேவைகள் தலைகீழ் சார்பு வரிசையில் நிறுத்தப்படும், அதாவது மற்றவர்களைச் சார்ந்திருக்கும் சேவைகள் முதலில் அவற்றின் சார்புகள் மூடப்படும் வரை காத்திருக்கின்றன.
அடுத்து, கணினி கோப்பு முறைமைகளை கட்டவிழ்த்து, சாதாரண பணிநிறுத்தத்தின் போது செய்வதை போன்றே பிற சுத்தம் செய்யும் பணிகளைச் செய்கிறது. இருப்பினும், உருவாக்கமையத்தை நிறுத்தம்செய்திட அல்லது மறுதொடக்கம் செய்ய சமிக்ஞை செய்வதற்குப் பதிலாக, கணினியானது உருவாக்கமையத்தின் நிலையைப் பாதுகாத்து தொடக்க வரிசையை மீண்டும் தொடங்குகிறது.
இந்த செயல்முறை முழுவதும் உருவாக்கமையத்தின் செயலில் உள்ளது, வன்பொருள் இணைப்புகள் , நினைவக மேலாண்மையை பராமரிக்கிறது. மறுதொடக்கம் செயல்படுத்திட தொடங்கும் போது, systemd புதியதாகத் தொடங்கி முதல் முறையாக துவக்குவது போன்று அனைத்து சேவைகளையும் தொடங்குகிறது.
சுருக்கமாக கூறுவதெனில், ஒரு பயனர்இடவெளி மறுதொடக்கத்தைத் தூண்டும்போது, லினக்ஸ் ஆனது பின்வருவனவற்றைச் செய்கிறது: அனைத்து பயனர்இடவெளி செயல்முறைகளையும் நிறுத்துகிறது – சேவைகள், பயன்பாடுகள் , பின்னணி பணிகள் நிறுத்தப்படுகின்றன. பயனர்இடவெளியை மீண்டும் துவக்குகிறது – இயல்புநிலை சேவைகளுடன் கணினி புதியதாகத் தொடங்குகிறது. உருவாக்கமையத்தினை இயங்க வைக்கிறது – வன்பொருள் அல்லது இயக்கி என்பதின் மறுபதிவேற்றம் நடக்காது.
Systemd ஒரு பயனர்இடவெளி மறுதொடக்கத்தை எவ்வாறு கையாளுகிறது (தொழில்நுட்ப systemdஇன் விவரங்கள்)
இந்த செயல்முறையை ஆதரிக்க, Systemd soft-reboot.target எனப்படும் சிறப்பு இலக்கை உள்ளடக்கியது systemd ஐ “soft‑reboot” செய்யக் கோருபோது, அது systemd-soft-reboot.service ஐ செயலுக்கு கொண்டுவருகிறது.
அந்த சேவை பின்வருவனவற்றைச் செய்கிறது: மீதமுள்ள அனைத்து பயனர் செயல்முறைகளுக்கும் (காத்திருக்காமல்) SIGTERM ஐ அனுப்புகிறது. பின்னர் எந்தவொரு செயலில்உள்ளவர்களுக்கும் SIGKILL ஐ அனுப்புகிறது. /run/nextroot/ என்ற கோப்பகம் இருந்தால், அது கணினியின் மூலத்தை அந்த கோப்பகத்திற்கு மாற்றுகிறது. பின்னர், அது புதிய மூலத்திலிருந்து systemd ஐ மீண்டும் செயல்படுத்துகிறது. சாதாரண துவக்க தருக்கத்தைத் தொடர்கிறது. இந்த வழிமுறையில், systemd பழைய பயனர் செயல்முறைகளை அழித்து புதிய சூழலை சுத்தமாக பதிவேற்றம்செய்கிறது — அதே நேரத்தில் உருவாக்க மையத்தினை இயங்க வைக்கிறது.
எப்போது பயனர்இடவெளி மறுதொடக்கத்தைப் பயன்படுத்த வேண்டும்?
உருவாக்கமையத்தினை மறுதொடக்கம் செய்யாமல் சேவைகளை மறுதொடக்கம் செய்ய அல்லது புதுப்பிப்புகளைப் பயன்படுத்த வேண்டியிருக்கும் போது பயனர்இடவெளி மறுதொடக்கம் பயனுள்ளதாக இருக்கும்.
முழு அமைப்பையும் மறுதொடக்கம் செய்வதற்குப் பதிலாக, இந்த வழிமுறை வன்பொருள் ,உருவாக்கமையம் ஆகியவற்றின் நிலையை அப்படியே வைத்திருக்கிறது. இது BIOS சரிபார்ப்புகள், வன்பொருள் துவக்கம் , துவக்க பதிவேற்றத்தின் வரிசையைத் தவிர்க்கிறது.
இது பின்வருவனவற்றிற்கு ஏற்றதாக அமைகிறது:
மென்பொருள் அல்லது உள்ளமைவு புதுப்பிப்புகளைப் பயன்படுத்துதல்
கணினி சேவைகளை சுத்தமாக மறுதொடக்கம் செய்தல், சேவையாளர்களில் செயலிழப்பு நேரத்தைக் குறைத்தல் , மேசைக்கணினிகள் , மடிக்கணினிகளில் மறுதொடக்க நேரத்தை விரைவுபடுத்துதல்
அடிப்படை உருவாக்கமையம் அல்லது சாதன இயக்கிகளைத் தொடுவதை விரும்பாமல் நமக்கு ஒரு புதிய பயனர்இடவெளி சூழல் தேவைப்படும்போது இது நன்றாக செயல்படுகிறது, .
உருவாக்கமைய புதுப்பிப்புகள், வன்பொருள் இயக்கியின் மாற்றங்கள் அல்லது குறைந்த-நிலை கணினி மாற்றங்களுக்கு இன்னும் முழு மறுதொடக்கம் தேவைப்படுகிறது என்பதை நினைவில் கொள்க.
எடுத்துக்காட்டு: OSTree , Fedora Silverblue
OSTree , Fedora Silverblue ஆகியவை நல்ல எடுத்துக்காட்டுகள், ஏனெனில் அவை , குறிப்பாக systemd இன் மென்மையான மறுதொடக்க பொறிமுறையுடன் ஒருங்கிணைப்பதன் மூலம் பயனர்இடவெளி மறுதொடக்க இயல்புகளை தீவிரமாகப் பயன்படுத்துகின்ற நடப்பு உலக அமைப்புகள் ஆகும்.
OSTree மூலம் snapshot மாதிரியைப் பயன்படுத்தி Silverblue இயக்க முறைமையை நிர்வகிக்கிறது ஒரு புதுப்பிப்பு பின்வருமாறுநிறுவுகைசெய்யப்படுகின்றது:
OSTree /var இன் கீழ் ஒரு புதிய system snapshotஐ உருவாக்குகிறது
இது அந்த snapshot ஐ /run/nextroot/ உடன் இணைக்கிறது
மறுதொடக்கம் செய்யும்போது, கணினி ஒரு பயனர்இடவெளி மறு
தொடக்கத்தைப் பயன்படுத்தி இந்தப் புதிய வழிசெலுத்திக்கு மாறுகிறது
உருவாக்கமையம் இயங்குவதால், மறுதொடக்கம் விரைவாகவும் பாதுகாப்பாகவும் இருக்கும். ஏதேனும் தவறு நடந்தால், முழு கணினியையும் மறுதொடக்கம் செய்யாமல், முந்தைய snapshot இற்குத் திரும்பலாம்.
லினக்ஸில் பயனர்வெளி மறுதொடக்கத்தை எவ்வாறு செய்வது?
முதலில், கணினி இந்த இயல்பினை ஆதரிக்கிறது என்பதை உறுதிப்படுத்திக் கொள்க. பயனர்இடவெளி மறுதொடக்கத்தைப் (systemctl soft-reboot) பயன்படுத்த, நமக்கு systemd பதிப்பு 254 அல்லது அதற்குப் பிந்தையது தேவையாகும்.
நம்முடைய Linuxஅமைவு எந்த systemd பதிப்பைப் பயன்படுத்துகிறது என்பதைச் சரிபார்க்க, முனைமத்தில் பின்வருமாறான கட்டளைவரியை உள்ளீடுசெய்து இயக்கிடுக:
systemctl –version
இதன் வெளியீட்டை பின்வருமாறு காண்போம்:
systemd 257 (257.4-3)
+PAM +AUDIT +SELINUX +IMA +APPARMOR +SMACK +SYSVINIT +UTMP +LIBCRYPTSETUP +GCRYPT +GNUTLS +ACL +XZ +LZ4 +ZSTD +BZIP2 +SECCOMP +BLKID +ELFUTILS +KMOD +IDN2 -IDN +PCRE2 default-hierarchy=unified
இதில் முதல் வரி systemd பதிப்பை நமக்குக் கூறுகிறது. மேலே கூறிய வெளியீட்டில், அது 257 ஆகும்.
அதை விடக் குறைவான பதிப்பை (எ.கா., 252 அல்லது 249) கண்டால், நம்முடைய கணினி இன்னும் இந்த இயல்பினை ஆதரிக்கவில்லை என்ற செய்தியை தெரிந்துகொள்க.
systemd உடன் கூடிய நவீன Linux அமைப்புகளில், இந்த கட்டளையைப் பயன்படுத்தி பின்வருமாறான கட்டளைவரியுடன் ஒரு பயனர்இடவெளி மறுதொடக்கத்தைத் தூண்டலாம் அதற்கான கட்டளைவரி பின்வருமாறு:
sudo systemctl soft-reboot
இந்த கட்டளைவரியானது systemd க்கு userspace reboot வரிசையைச் செய்யச் சொல்கிறது. கணினி தானாகவே வெளியேறிவிடுகின்றது. கணினியைப் பயன்படுத்துவதைத் தொடர மீண்டும் உள்நுழைவுசெய்திடுக.
இந்த கட்டளைவரிகளை இயக்குவதற்கு முன் எப்போதும் ஏற்கனவே நாம் செய்துவந்த பணிகளைச் சேமித்துகொள்க, ஏனெனில் அனைத்து பயன்பாடுகளும் செயல்பாட்டின் போது நிறுத்தம்செய்யப்படும்.
அல்லது (சில கணினிகளில்), பின்வருமாறான கட்டளைவரியைப் பயன்படுத்தி soft reboot ஐச் செய்யலாம்:
sudo kexec –user
குறிப்பு: அனைத்து Linux விநியோகங்களும் இந்த வசதியை இன்னும் ஆதரிக்கவில்லை.
நன்மைகளும் வரம்புகளும்
விரைவாக செயல்படுவதே இதன் முதன்மை நன்மையாகும்.
பயனர்இடவெளி மறுதொடக்கங்கள் நிமிடங்களுக்குப் பதிலாக வினாடிகளில் முடிக்க முடியும். power cyclingஇல்லாததால் அவை வன்பொருள் கூறுகளின் தேய்மானத்தையும் குறைக்கின்றன.
இந்த அணுகுமுறையிலும் வரம்புகள் உள்ளன.
உருவாக்கமையமானது மறுதொடக்கம் செய்யப்படாததால், உருவாக்கமைய-நிலையின் சிக்கல்கள் எதுவும் தீர்க்கப்படாது. உருவாக்கமைய இடத்தில் நினைவக கசிவுகள் அல்லது வீணாவது தொடர்ந்து இருக்கும்.
கூடுதலாக, அனைத்து வன்பொருள் நிலைகளும் மீட்டமைக்கப்படுவதில்லை, இது எப்போதாவது தவறாக செயல்படும் சாதனங்களில் சிக்கல்களை ஏற்படுத்துகிறது.
சிறந்த நடைமுறைகள்
வழக்கமான பராமரிப்பு , மென்பொருள் புதுப்பிப்புகளுக்கு பயனர்இடவெளி மறுதொடக்கங்களைப் பயன்படுத்திடுக. அவை பயன்பாட்டு புதுப்பிப்புகளைப் பயன்படுத்துதல், சேவைகளை மறுதொடக்கம் செய்தல் அல்லது தற்காலிக கோப்புகள், செயல்முறைகளை அழித்தல் ஆகியவற்றுக்கு ஏற்றவை.
உருவாக்கமைய புதுப்பிப்புகள், வன்பொருள் மாற்றங்கள் அல்லது தொடர்ச்சியான கணினி சிக்கல்களை சரிசெய்தல் ஆகியவற்றிற்கு பாரம்பரிய வழக்கமான மறுதொடக்கங்களை ஒதுக்கிடுக.
ஒரு மாற்றத்திற்கு முழு மறுதொடக்கம் தேவையா என்று நமக்குத் தெரியாவிட்டால், முழுமையான மறுதொடக்கத்தைச் செய்வது பொதுவாக பாதுகாப்பானதாகும்.
பயனர்இடவெளி மறுதொடக்கங்களுக்குப் பிறகு எல்லாம் சரியாகச் செயல்படுவதை உறுதிசெய்ய கணினியைக் கண்காணித்திடுக. அரிதாக இருந்தாலும், சில பயன்பாடுகள் அல்லது சேவைகள் இந்த வகையான மறுதொடக்கத்தை சரியாகக் கையாளாமல் போகலாம்.
லினக்லின் மென்மையானமறுதொடக்கம் உண்மையில் பயனுள்ளதா?
ஏற்கனவே கூறியது போன்று, பாரம்பரிய மறுதொடக்கங்கள் பல நிமிடங்கள் ஆகலாம், குறிப்பாக துவக்க வன்பொருள் அல்லது சிக்கலான துவக்க வரிசைகளைக் கொண்ட கணினிகளில்.
இந்த நேரத்தில், கணினி முழுமையாக கிடைக்காது. பயனர்இடவெளி மறுதொடக்கங்கள் வன்பொருள் துவக்க கட்டத்தை முற்றிலுமாகத் தவிர்ப்பதால் இந்த செயலிழப்பு நேரத்தை வியத்தகு முறையில் குறைக்கலாம்.
எனவே மென்மையான மறுதொடக்கம் பயனுள்ளதாக இருக்கும், ஏனெனில்:
இது முழு மறுதொடக்கத்தை விட விரைவானது (உருவாக்கமையம் ஏற்கனவே இயங்கிகொண்டிருப்பதால்).
வன்பொருள் மறுதொடக்கம் இல்லை (BIOS/UEFI சரிபார்ப்புகள் இல்லை, உருவாக்கமைய மறுதொடக்கம் இல்லை).
பயனர் செயல்முறைகள் மட்டுமே மறுதொடக்கம் செய்யப்படுகின்றன (சேவைகள், பயன்பாடுகள் , daemons ஆகியன புதிய தொடக்கத்தைப் பெறுகின்றன).
ஒவ்வொரு நிமிட செயலிழப்புக்கும் பணம் செலவழிக்கவேண்டிய சேவையாளர் சூழல்களில் இந்த வசதி பயனுள்ளதாக இருக்கும்.
முழு துவக்க சுழற்சியின் மூலம் காத்திருக்காமல் கணினி புதுப்பிப்புகளைப் பயன்படுத்த அல்லது சேவைகளை மறுதொடக்கம் செய்ய விரும்பும் மேசைக்கணினி பயனர்களுக்கும் இது பயனுள்ளதாக இருக்கும்.
அடிக்கடி கேட்கப்படும் கேள்விகள் (FAQ)
1. லினக்ஸ் பயனர்இடவெளி மறுதொடக்கம் என்றால் என்ன?
பயனர்இடவெளி மறுதொடக்கம் உருவாக்கமையத்தினை மறுதொடக்கம் செய்யாமல் லினக்ஸின் பயனர்-நிலை பகுதிகளை (பயன்பாடுகள், சேவைகள்,daemons) மறுதொடக்கம் செய்கிறது. இதன் பொருள் BIOS திரை இல்லை, வன்பொருள் மறுதொடக்கம் இல்லை மிக விரைவான மறுதொடக்கம் செய்யப்படுகின்றது.

2. வழக்கமான மறுதொடக்கத்திலிருந்து இது எவ்வாறு வேறுபடுகிறது?

3.ஏன் ஒரு பயனர்இடவெளி மறுதொடக்கத்தைப் பயன்படுத்த வேண்டும்?
இதை பின்வரும் சந்தர்ப்பங்களில் பயன்படுத்தலாம்:
புதிய கணினி நூலகங்களை நிறுவுகைசெய்தல்
உள்ளமைவு மாற்றங்களுக்குப் பிறகு சேவைகளை மறுதொடக்கம் செய்தல்
Fedora Silverblue போன்ற OSTree அமைப்பில் வழிசெலுத்தியை மாற்றுதல்
உற்பத்தி அமைப்புகளில் செயலிழப்பு நேரத்தைத் தவிர்ப்பது (முழு மறுதொடக்கம் இல்லை)
4. இதை செயல்படுத்திவதற்கான தேவைகள்யாவை?
systemd பதிப்பு 254 அல்லது புதியது.மென்மையான மறுதொடக்க வசதியை உள்ளடக்கிய அல்லது செயல்படுத்தும் லினக்ஸ் விநியோகம்
5. ஒரு பயனர்இடவெளி மறுதொடக்கத்தை எவ்வாறு தூண்டுவது?
ஒரு பயனர்இடவெளி அல்லது மென்மையான மறுதொடக்கத்தைச் செய்ய, பின்வருமாறான கட்டளைவரியைப் பயன்படுத்திடுக:
sudo systemctl soft-reboot
இது கணினிியின் ஒருபுதிய துவக்கத்தைப் போன்று செயல்படுகிறது, ஆனால் வன்பொருள் உருவாக்கமைய பகுதியைத் தவிர்க்கிறது.
6. இதனை பயன்படுத்துவது பாதுகாப்பானதா?
ஆம், ஆனால் குறிப்பிட்ட வரம்புகளுடன்.உருவாக்கமைய தொகுதிகளை மீண்டும் பதிவேற்றம்செய்திடவோ அல்லது வன்பொருள் இயக்கிகளைப் புதுப்பிக்கவோ தேவையில்லை என்றால் இது பாதுகாப்பானது. உருவாக்கமைய மேம்படுத்தல்கள் அல்லது குறைந்த-நிலை மாற்றங்களுக்குப் பிறகு முழு மறுதொடக்கத்தைப் பயன்படுத்திடுக.
7. இது அனைத்து லினக்ஸ் அமைப்புகளிலும் செயல்படுமா?
இன்னும் இல்லை. இதற்குத் தேவை:systemd 254 அல்லது புதியது ஆகும்
அந்த பதிப்பை அனுப்பும் அல்லது ஆதரிக்கும் ஒரு distro
(எ.கா., Fedora 39+, Debian 13 “Trixie”)
8. இதை ஒரு சேவையகத்தில் பயன்படுத்தலாமா?
ஆம். முழு கணினி மறுதொடக்கம் இல்லாமல் சேவைகளை மறுதொடக்கம் செய்யும்போது அல்லது உள்ளமைவு மாற்றங்களைப் பயன்படுத்தும்போது சேவையகங்கள் குறைந்தபட்ச இடையூறுகளிலிருந்து பயனடையலாம்.
முடிவாக
நேரத்தைச் சேமிக்க விரும்பும் Linux பயனர்களுக்கு ஒரு பயனர்இடவெளி மறுதொடக்கம் ஒரு எளிய தந்திரமாகும். கணினியின்முழு மறுதொடக்கத்திற்காகக் காத்திருப்பதற்குப் பதிலாக, பெரும்பாலும் பயனர்இடவெளி மறுதொடக்கம் செயற்படுத்தி உடனடியாக வழக்கமான நம்முடைய பணிக்குத் திரும்பலாம்.
பயனர்இடவெளி மறுதொடக்கங்களைப் புரிந்துகொள்வது Linux அமைப்புகளை திறமையாக நிர்வகிப்பதற்கான மற்றொரு கருவியை நமக்கு வழங்குகிறது. ஒரு வீட்டு சேவையகத்தை இயக்கினாலும் அல்லது நிறுவன உள்கட்டமைப்பை நிர்வகித்தாலும், இந்த வசதியை எப்போது, எப்படிப் பயன்படுத்துவது என்பதை அறிந்துகொள்வது நேரத்தை மிச்சப்படுத்தும். கணினி இடையூறுகளைக் குறைக்கும்.
அடுத்த முறை சேவைகளை மறுதொடக்கம் செய்ய வேண்டியிருக்கும் போது அல்லது புதுப்பிப்புகளைப் பயன்படுத்த வேண்டியிருக்கும் போது, மென்மையான மறுதொடக்கம் தேவைகளை பாரம்பரிய மறுதொடக்கத்தை விட சிறப்பாகச் செய்ய முடியுமா என்பதைக் கவனித்திடுக.