லினக்ஸ்ஆனது ‘உண்மையான நடைமுறையிலான பணியை’ செய்திடுகின்றது

லினக்ஸஆனது வீட்டு ஆய்வககங்களுக்கு அல்லது சேவையகங்களுக்கு மட்டுமே என்று நினைக்கின்றோமா? தொழில்முறை பணிப்பாய்வை அது கையாள முடியாது என்று கவலைப்படுகின்றோமா? அவ்வாறான எண்ணம் தவறாகும், அது உண்மையில் அனைத்து பணிகளையும் செய்கின்றது அவற்றுள் நம்முடைய பணிகளைச் செய்ய உதவும் ஐந்து வழிகள் மட்டும் பின்வருமாறு.
லினக்ஸ் ஆனது “உண்மையான நம்முடைய வேலை எதையும்” கையாள முடியாது என்ற ஒரு பிடிவாதமான கட்டுக்கதை இப்போதும் பரவலாக கூறப்பட்டுவருகின்றது – அதனோடு இது சேவையாளர்களுக்கு மட்டுமேசிறந்தது, பொழுதுபோக்கு ஆர்வலர்களுக்கு நல்லது, ஆனால் தொழில்முறை பணிச்சுமைகளுக்கு போதுமான திறன் இதனிடம் இல்லை என்றுகூட இதுவரையில் நாம் கேள்விபட்டிருக்கலாம். ஏனெனில் இந்த ஆலோசனை பெரும்பாலும் Adobe Creative Cloud , Microsoft Office ஆகியவற்றிற்கு சொந்த ஆதரவு இல்லாததால் வருகிறது. ஆனால் அந்த பயன்பாடுகள் இல்லாததால் லினக்ஸில் படங்களைத் திருத்தவோ, உள்ளடக்கத்தை எழுதவோ அல்லது விரிதாள்களை நிர்வகிக்கவோ முடியாது என்று அர்த்தமன்று. ஒரு தொழில்முறை எழுத்தாளர் எண்ணிம சந்தைப்படுத்துபவர் ஆகியோர்களால், கடந்த பத்தாண்டுகளாக லினக்ஸ் ஆனது பயன்படுத்தி கொள்ளப்பட்டு வருகின்றது, அது நம்முடைய அனைத்து பணிகளையும் விரைவாக முடிப்பதில் இருந்து தடுக்கவில்லை. லினக்ஸை தினமும் எவ்வாறு பயன்படுத்தமுடியும் என்பதற்கான ஐந்து பணிகளுக்குமட்டுமான ஒரு கண்ணோட்டம் பின்வருமாறு, இது தினசரி நம்முடைய பணியின் இயக்கியாக அதை எவ்வாறு பயன்படுத்தலாம் என்பது பற்றிய தெளிவான ஆலோசனையை நமக்கு வழங்கும்.
1.கட்டுரைகளை எழுதுதலும் திருத்தம்செய்தலும்
நான் ஒரு தொழில்முறை எழுத்தாளர்—நான் லினக்ஸில் எனது அனைத்து எழுத்துகளையும் செய்கிறேன். ஆகவே லினக்ஸ் உண்மையான நம்முடைய அனைத்து பணியையும் செய்யத் தகுதியானது என்பதை அனைவருக்குத் தெரிவிக்க வேண்டும்—ஏனென்றால் அதுதான் எனக்கு ஊதியம் தருகிறது!
ghostwriter , MarkText போன்ற Markdown திருத்திகள் முதல் லிபர் ஆபிஸ் ரைட்டர் போன்ற முழு அளவிலான வேர்டின் செயலிகள் வரை நம்மிடம் ஏராளமான அளவில் எழுதுவதற்கான கருவிகள் உள்ளன. WINE ஐப் பயன்படுத்தி லினக்ஸில் இயங்கும் மைக்ரோசாப்ட்டின் வேர்டு 2016 ஐ பெறலாம். இருப்பினும், நான் தனிப்பட்ட முறையில் Obsidian என்பதைப் பயன்படுத்துகிறேன், ஏனெனில் அதன் வரைபடக் காட்சியை நான் ரசிக்கிறேன், இது எனது அனைத்து கட்டுரைகளும் எவ்வாறு இணைக்கப்பட்டுள்ளன என்பதைக் காட்சிப்படுத்த உதவுகிறது . புதிய தலைப்புகள் ஆலோசனைகளை அதிலேயே மூழ்கிடுமாறு செய்ய உதவுகிறது.
Obsidian இன் திறன்களை விரிவுபடுத்துவதற்கான செருகுநிரல்களும் துணைபுரிகின்றன. மிகவும் பயனுள்ள ஒன்று மொழிக்கான கருவியாகும், இது எனது சரிபார்ப்புத் தேவைகளுக்கு போதுமான சக்திவாய்ந்த கட்டணமற்ற கட்டற்ற இலக்கண சரிபார்ப்பு கருவியாகும்.Grammarly,ஐ விரும்பினால், அதற்கும் ஒரு சமூககுழுவால் பராமரிக்கப்படும், மூன்றாம் தரப்பு செருகுநிரல் உள்ளது. அடுத்து, என்னுடைய பணியைப் பாதுகாப்பாக வைத்திருக்க, எனது அனைத்து கட்டுரைகளையும் பிற்காப்பு நகல் எடுக்க நான் NAS என்பதைப் பயன்படுத்துகிறேன் – இதை நான் லினக்ஸ்-இயங்கும் கணினியிலும் பயன்படுத்திகொள்கிறேன்.
எப்போதாவது, வாடிக்கையாளர்கள் அல்லது பதிப்பாளர்களுடன் இணைந்து பணியாற்ற எனது பணி ஆவணத்தைப் பகிர்ந்துகொள்ள வேண்டியிருக்கும். அவ்வாறு நிகழும்போது, ​​அவர்கள் விரும்பும் எந்த கருவியையும் நான் இயல்புநிலையாகப் பயன்படுத்துகிறேன். நான் பணிபுரியும் பெரும்பாலான மக்கள் கூகிளின் டாக்ஸ் அல்லது Notion ஐப் பயன்படுத்துகிறார்கள் – இவை இரண்டையும் நான் Braveஎனும் இணையஉலாவி மூலம் அணுகுவேன் (இயல்புநிலையில்). அவர்கள் மைக்ரோசாஃப்ட்டின் வேர்டை வலியுறுத்தினால், நான் இணைய பதிப்பைப் பயன்படுத்துகிறேன், அதில் இணைய கட்டுரைகளை எழுதுவதற்கான அனைத்து அத்தியாவசிய கருவிகளும் இந்த பதிப்பில்உள்ளன.
2.திரைபடபிடிப்புகளை குறிப்பு எழுதுதலும்,படங்களைத் திருத்துதலும்
எனது வேலையின் பெரும்பகுதி, எவ்வாறு செய்வது என்ற கட்டுரைகளையும் , பயிற்சிகளையும் உருவாக்குவதைச் சுற்றியே உள்ளது, அதாவது வாசகர்கள் பின்தொடர உதவும் வகையில் நான் தொடர்ந்து திரைபடபிடிப்புகளை( screenshots) எடுத்து அவற்றை குறிப்பு எழுதுகிறேன். இதற்கு முன்பு நான் விண்டோவைப் பயன்படுத்தியுள்ளேன், ஆனால் லினக்ஸ் இந்த பணிப்பாய்வுக்கு சிறந்த இயல்புநிலை கருவிகளைக் கொண்டுள்ளது.
நான் KDE Plasmaஎன்பதன் அடிப்படையிலான வெளியீட்டினைப் பயன்படுத்துகிறேன், இது Spectacle என்பதை இயல்புநிலை திரைபடபிடிப்பினை கருவியாகக் கொண்டுள்ளது. இது திரைபடபிடிப்புகளை விரைவாகப் பிடிக்க ஒரு உள்ளுணர்வுடனான இடைமுகத்தைக் கொண்டுள்ளது , அம்புகள், உரைப் பெட்டிகள், மங்கலானது , மேம்படுத்தபட்டது போன்ற உள்ளமைக்கப்பட்ட குறிப்பு வசதிகளை உள்ளடக்கியது. இதில்Ksnip போன்ற கருவிகளும் உள்ளன, இதை எனது சக பணியாளர்களில் ஒருவர் விண்டோவில் பயன்படுத்துகிறார் – இது ஒவ்வொரு வாரமும் அவரது வேலை நேரத்தை மிச்சப்படுத்துகிறது.
சில நேரங்களில் அதிக சக்திவாய்ந்த படத் திருத்தும் திறன்கள் தேவை, அதற்காக, GIMP போதுமானதாக இருப்பதைக் கண்டறிந்தேன் – நான் அதன் வசதியின் தொகுப்பில் பாதியை அரிதாகவே பயன்படுத்துகிறேன். GIMP Photoshop உடன் எவ்வாறு ஒப்பிடுகிறது என்பது பற்றி ஆர்வமாக இருந்தால், நாம் நம்பியிருக்கும் அனைத்து Photoshop வசதிகளையும் பட்டியலிட்டு, GIMP இல் அவை உள்ளதா என்று Perplexity (அல்லது ChatGPT) ஐக் கேட்டிடுக. அவை இருந்தால், Linux இல் பணிப்பாய்வை எந்த பிரச்சனையும் இல்லாமல் நகலெடுக்க முடியும்.
குறிப்பு: Linux இல் Affinity Photo ஐ இயக்கலாம், இது ஒரு வலுவான Photoshop மாற்றாக நிரூபிக்கப்படுகிறது.
3.கானொளி அழைப்புகளைசெய்தல், உள்ளடக்கத்தை தொடரோட்டம் செய்தல்
நான் வழக்கமாக கானொளி அழைப்புகளை மேற்கொள்கிறேன் – அது வாடிக்கையாளர் சந்திப்புகள், சக ஊழியர்களுடன் ஒத்திசைத்தல் அல்லது குடும்பத்தினர் தொழில்நுட்ப சிக்கல்களை சரிசெய்ய உதவுதல் என – இவை அனைத்தையும் நான் எனது லினக்ஸ் கணினியிலிருந்து செய்கிறேன். பெரும்பாலான முக்கிய விநியோகங்களுக்கு அதிகாரப்பூர்வ தொகுப்புகளுடன் கூடிய சொந்த லினக்ஸ் பயன்பாடான Zoom என்பதைகொண்டுள்ளது,
Google Meet ஐ விரும்பினால், அதை இணையஉலாவியில் இயக்கலாம், மேலும் இது சிக்கல்கள் இல்லாமல் செயல்படுகிறது. திரைப் பகிர்வு இரண்டு தளங்களிலும் குறைபாடற்றது, எனவே ஒரு பயன்பாடு அல்லது கருவியின் மூலம் யாரையாவது வழிநடத்த வேண்டும் என்றால்,அதைச் செய்யலாம்.
கானொளியின் தொடரோட்டத்திற்காக நான் Linux ஐயும் பயன்படுத்தியுள்ளேன். தொழில்முறை தொடரோட்டத்திற்கான தொழில்துறை செந்தரநிலையான OBS படபிடிப்புநிலையத்திற்கு அணுகலைப் பெற்றிடுவோம், மேலும் இது கட்டற்றது கட்டணமற்றதாக இருப்பதால், இது Linux இல் முதல் தர பயன்பாடாகக் கருதப்படுகிறது. எந்த சமரசமும் இல்லாமல் முழு வசதிகளையும் பெற்றிடலாம்.
Linux இல் தொடரோட்டம் சிறப்பாக இருக்கும் என்றே கூறலாம், ஏனெனில் பார்வையாளர்களின் கவனத்தை ஈர்க்கும் தனித்துவமான, மிகவும் தனிப்பயனாக்கப்பட்ட மேசைக்கணினியின் ஊடலையை காட்சிப்படுத்த முடியும். எந்த அமைவைப் பயன்படுத்துகின்றோம் என்று மக்கள் சிந்திக்கலாம், இது ஈடுபாட்டை அதிகரிக்கும்.
4.குறிமுறைவரிகளும் நிரலாக்கமும்
நான் கல்லூரியில் நிரலாக்கத்தைப் படித்தேன், சமீபத்திய ஆண்டுகளில் அதை மீண்டும் பயன்படுத்த முடிவு செய்தேன் – லினக்ஸை மட்டுமே எனது முக்கிய குறிமுறைவரிகளின் இயந்திரமாகப் பயன்படுத்தினேன். குறிமுறைவரிகளுக்கும் நிரலாக்கத்திற்கும் லினக்ஸ் சிறந்த இடம் என்று கூட கூறுவேன்.
கிட்டத்தட்ட ஒவ்வொரு முக்கியமான நிரலாக்க கருவியும் லினக்ஸில் இயல்பாகவே ஆதரிக்கப்படுகிறது. Python, Git, Node.js , Docker ஆகியவற்றை ஒரே ஒரு முனைம கட்டளையுடன் நிறுவுகைசெய்திடலாம் – மேலும் அவை எந்த தீர்வுகளும் இல்லாமல் செயல்படுகின்றன. ஒவ்வொன்றிற்கும் தனித்தனியான நிறுவுகைகளை தேடிகண்டுபிடத்திடவோ, அதற்கான பாதைகளை உள்ளமைக்கவோ அல்லது அதனுடையஅமைவு வழிகாட்டிகளைக் சொடுக்குதல் செய்யவோ தேவையில்லை. பெரும்பாலான உற்பத்தி சேவையகங்கள் லினக்ஸை இயக்குவதால், தொடக்கத்திலிருந்தே அதைப் பயன்படுத்துவது என்பது வளாக மேம்பாட்டு சூழல் இறுதி வரிசைப்படுத்தல் சூழலுடன் பொருந்துகிறது என்பதாகும்.
ஒட்டுமொத்த குறிமுறைவரிகளின் அனுபவத்தைப் பொறுத்தவரை, லினக்ஸ் VS குறிமுறைவரிகள்உட்பட அனைத்து பிரபலமான குறிமுறைவரிகளின் திருத்திகளையும் ஆதரிக்கிறது – இருப்பினும் அதன் FOSSஇற்கு மாற்றான VSCodium ஐ முயற்சிக்க விரும்பலாம். பல அனுபவமிக்க நிரலாளர்கள் ஆதரிக்கின்ற Vim அல்லது Emacs போன்ற மரபுவழியையும் ஆய்வுசெய்திடலாம்.
ஆம், Windows அல்லது macOS இல் குறிமுறைவரிகளை முறையைச் செய்யலாம் – ஆனால் அனுபவம் அவ்வளவு தடையற்றதாக இருக்காது. மைக்ரோசாப்ட்டின் WSL (Linux க்கான Windows துணை அமைப்பு) ஐ ஏன் சேர்த்தது என்று எப்போதாவது சிந்தித்திருக்கின்றோமா? மேம்படுத்துநர்களுக்கு Linux கருவிகள் தேவைப்பட்டதால், Windows அவற்றை இயல்பாக வழங்க முடியவில்லை என்பதால்தான் .
5. அனைத்து உலாவி அடிப்படையிலான பணிப்பாய்வுகளும்
பெரும்பாலானவர்களுக்கு, அவர்களின் கணினி உலாவிக்கான துவக்க பதிவேற்றமாக செயல்படுகிறது. அவர்கள் Google Chrome அல்லது Firefox ஐத் திறக்க மட்டுமே தங்கள் கணினியை இயக்குகிறார்கள். உண்மையில், எனது கணினியில் நான் செய்வதில் 60–70 சதவீதம் இணையஉலாவி அடிப்படையிலானது. அது உண்மையாக இருந்தால், Linux இல் செயல்படுவதில் எந்தப் பிரச்சினையும் இருக்காது.
முன்பு குறிப்பிட்டது போன்று, கூட்டுறவான எழுத்துக்காக Google Docs , Notion ஐ அணுக எனது உலாவியைப் பயன்படுத்துகிறேன். Gmail-ஐ அணுகவும், Google Meet அழைப்புகளில் சேரவும், Netflix , YouTube-ஐப் பார்வையிடுக, சமூக ஊடகங்களை உலாவவும், Reddit-ஐத் தேடிடவும், LinkedIn-ஐப் பயன்படுத்தவும் இதைப் பயன்படுத்துகிறேன். அடிப்படையில், Windows அல்லது macOS-இல் உள்ள உலாவியில் ஏதாவது செயல்படுவதால், அது Linux-லும் நன்றாக செயல்படும். இருப்பினும், ஒருவேளை ஒரு இணையத்தளத்தைப் பயன்படுத்த விரும்பாமல், சொந்த பயன்பாட்டை விரும்பலாம். அப்படியானால், இணையதளங்களை மேசைக்கணினி பயன்பாடுகளாக மாற்ற இணையஉலாவியின் உள்ளமைக்கப்பட்ட வசதியைப் பயன்படுத்திடலாம்.
மேலும் நம்மிடம் உள்ள – உண்மையான, உற்பத்தி பணிக்காக Linux-ஐப் பயன்படுத்தும் ஐந்து வழிகள், அனைவரும் பயன்படுத்திகொள்ளலாம். இருப்பினும், ஏன் மாற வேண்டும் என்று சிந்தித்தால், Linux-இல் மட்டுமே செய்யக்கூடிய இந்த ஐந்து செயல்களைப் பார்வையிடுக, ஆனால் இதனைWindows-இல் செய்ய முடியாது என்ற தகவலை மனதில் கொள்க.