நம்முடைய சொந்த சேவைகளை சுயமான புரவலராக செய்வது சந்தாக்களில் பணத்தைச் சேமிப்பதற்கும் தனியுரிமையை அதிகரிப்பதற்கும் சிறந்த வழிகளில் ஒன்றாகும். நம்முடைய வளாகவலைபின்னலில் சேவைகளை இயக்குவதால், வேறு யாரும் தரவைகாண மாட்டார்கள்.
தயார்நிலை லினக்ஸ் வெளியீடு என்றால் என்ன?
சாதாரண லினக்ஸ் வெளியீடுகள் ஒரு குறிப்பிட்ட நிரலாக்கங்களும், நூலகங்களும் முன்பே தொகுக்கப்பட்டுள்ளவைகளாகும். எடுத்துக்காட்டாக, குபுண்டு ஆனது பிளாஸ்மா, மேசைக்கணினி ஆகிய சூழல் போன்ற பல்வேறு KDE பயன்பாடுகளுடன் தொகுக்கப்பட்டுள்ளது. மறுபுறம், உபுண்டு மேசைக்கணினி சூழலுக்கான Gnome உடன்தொகுக்கப்பட்டுள்ளது, ஆனால் KDE பயன்பாடுகளுடன் வராது.
பெரும்பாலும், வெளியீடுகளுக்கு இடையிலான வேறுபாடுகள் எந்தெந்த நிரல்களும், நூலகங்களும் முன்பே நிறுவுகைசெய்யப்பட்டுள்ளன என்பதைப் பொறுத்தது ஆகும், இருப்பினும் ஃபெடோரா, டெபியன் அல்லது ஆர்ச் ஆகியவற்றினை அடிப்படை யாகக் கொண்ட வெளியீடுகளுக்கு இடையே பெரிய வேறுபாடுகள் உள்ளன.
தயார்நிலை லினக்ஸ் வெளியீடுகள்ஆனவை லினக்ஸ் வெளியீடுகளுக்கு இடையிலான சாதாரண மாறுபாடுகளை எடுத்துக்கொண்டு அவற்றை ஒரு குறிப்பிட்ட பணிக்காக நிபுணத்துவப்படுத்துகின்றன. எடுத்துக்காட்டாக, Minecraft ஆனது சேவையகத்தை புரவலராக செய்வதற்கான ஒரு தயார்நிலை லினக்ஸ் வெளியீடு ஆகும், சேவையாளர் முகப்புத்திரையை புரவலராக செய்யத் தேவையான மென்பொருட்களுடன் முன்பே பதிவேற்றம் செய்யப்பட்டிருக்கின்றன, இவை சேவையகத்தை நிர்வகிப்பதை எளிதாக்குகின்றன, கோப்புகளைச் சேமிக்க கோப்பின் பிற்காப்புநகல்களை தானாகக் கையாளும் ஒரு நிரல் , ஜாவா ஆகியவைமட்டுமே இதில் கூடுதலாக இருக்கும், இதனால் உண்மையில் Minecraft இயங்கக்கூடியதை இயக்க முடியும்.
Jellyfin சேவையகத்தை இயக்குவதற்கான தயார்நிலை லினக்ஸ் வெளியீடு ஆனது, , பிற்காப்பு மென்பொருள் பல்லூடக நூலகத்தில் உள்ள கோப்புகளை நிர்வகிக்க உதவும் சில வகையான நிரலாக்கங்களுடன் முன்பே பதிவேற்றம் செய்யப்பட்டிருக்கலாம்.
நம்முடைய சொந்த சேவைகளை சுயமான புரவலராக செய்வது சந்தாக்களில் பணத்தைச் சேமிப்பதற்கும் தனியுரிமையை அதிகரிப்பதற்கும் சிறந்த வழிகளில் ஒன்றாகும். நம்முடைய வளாக வலைபின்னல் களின் சேவைகளை இயக்குவதால், வேறு யாரும் தரவை காண மாட்டார்கள்.
ஒரு பணிக்கு நமக்கு என்ன தேவை என்று நமக்குத் துல்லியமாகத் தெரியாவிட்டால், அல்லது ஒவ்வொரு முறையும் அவற்றை அமைப்பதில் தலையிட விரும்பவில்லை என்றால், லினக்ஸில் நம்முடைய சொந்த சேவையாளரை புரவலராக செய்வதில் உள்ள சிரமத்தை நீக்கும் வகையில் தயார்நிலை லைனக்ஸ் வெளியீடுகள் வடிவமைக்கப்பட்டுள்ளன.
சுய புரவலராக தொடங்குபவர்களுக்கு தயார்நிலை லினக்ஸ் வெளியீடுகள் ஒரு கனவுஆகும்
சுய புரவலரானது முன்பு இருந்ததை விட அணுகக்கூடியது, ஆனால் மீதமுள்ள முரண்பாடுகளில் ஒன்று சார்புகளை எதிர்த்துப் போராடுவதுஆகும். சுய புரவலராக செய்ய விரும்பும் ஒன்றை நிறுவுகைசெய்திடச் சென்றால், அவற்றில் பலவற்றிற்கு சில நூலகங்கள் நிறுவுகை செய்யப்பட்டு முன்கூட்டியே உள்ளமைக்கப்பட்ட குறிப்பிட்ட கணினி அமைவுகள் தேவை என்பதை விரைவில் காண்போம்.
அவற்றை அமைப்பதற்கு முன்பு அந்த செயல்முறையை கைமுறையாகச் செய்திருந்தால், அது அவ்வளவு அச்சுறுத்தலாக இருக்காது, ஆனால் இப்போதுதான் தொடங்கினால், அது சலிப்பானதாகவும், வெறுப்பூட்டுவதாகவும், அனுபவத்தில் நமக்கு முற்றிலும் சோர்வாகவும் இருக்கும். தயார்நிலை(Turnkey) விநியோகங்கள், குறிப்பிட்ட பயன்பாட்டு நிகழ்வுகளுக்கு முன்பே நிறுவுகைசெய்யப்பட்ட குறிப்பிட்ட நூலகங்கள் , நிரல்களுடன் வருவதால், செயல்முறையிலிருந்து நம்முடைய விரக்தியை நீக்கலாம்.
பெரும்பாலான பயன்பாடுகளுக்கு இன்னும் ஒரு தயார்நிலை லினக்ஸ் விநியோகத்தை சிறிது மாற்றியமைக்க வேண்டியிருக்கும் என்பது சாத்தியமாகும், ஆனால் அது ஒரு வீட்டின் உட்புறத்தை முழுவதுமாக மறுவடிவமைப்பதற்கும் படுக்கையறையைமட்டும் விரைவாக புதிய வண்ணப்பூச்சு கொடுப்பதற்கும் உள்ள வேறுபாடுஆகும்.
Turnkey Linux விநியோகங்கள் Proxmox உடன் அருமையானவை
நாம் விரும்பினால், இணையதளத்திலிருந்து Linux விநியோகங்களைப் பதிவிறக்கம்செய்திடலாம், கடந்த காலத்தில் Linux நிறுவுகையை “bare metal” அல்லது கேள்விக்குரிய கணினியின் வன்பொருளில் நேரடியாக இயக்கும்போது அதைச் செய்திடுவோம். இருப்பினும், சேவைகளை புரவலராக செய்ய Proxmox ஐப் பயன்படுத்தி கொள்ளுமாறு பரிந்துரைக்கப்படுகின்றது.
Proxmox புதிய மெய்நிகர் இயந்திரங்கள் அல்லது LXC கொள்கலன்களை விரைவாக உருவாக்க நம்மை அனுமதிக்கிறது. இது டஜன் கணக்கான வெவ்வேறு தயார்நிலை விநியோகங்களை உள்ளடக்கிய ஒரு உள்ளமைக்கப்பட்ட களஞ்சியத்தையும் கொண்டுள்ளது.
Proxmox , Turnkey விநியோகங்களின் கலவையானது, ஒரு மெய்நிகர் கணினியில் ஒரு குறிப்பிட்ட பயன்பாட்டிற்கான சேவையகத்தை ஒரு நிமிடத்திற்குள் மாற்றிட அனுமதிக்கிறது. புதிய பயன்பாடு அல்லது சுய-புரவலராக செய்யப்பட்ட சேவையை முயற்சிக்க விரும்பும் போதெல்லாம் அவற்றை தொடர்ந்து பயன்படுத்திகொள்ளலாம், மேலும் பல நேரங்களில் தயார்நிலை விநியோகம் போதுமானதாக இருப்பதால் அதைப் பயன்படுத்திக் கொண்டே இருப்போம்.
தயார்நிலை லினக்ஸ் விநியோகங்களைப் பயன்படுத்தத் தொடங்கியதும், நமது பயன்பாடுகளுக்கு இவற்றை எவ்வாறு சிறப்பாகச் செய்வது?எனும் கேள்வியையும் எழுப்பலாம்
நல்வாய்ப்பாக, அது இன்னும் சிறப்பாக செயல்படுகிறது. நம்முடைய விருப்பப்படி ஒரு தயார்நிலை லினக்ஸ் விநியோகத்தை மாற்றியமைத்தவுடன், அந்த நிறுவுகையைப் பயன்படுத்தி ஒரு புதிய தயார்நிலை விநியோகத்தை கூட நாமேஉருவாக்கலாம்.
அந்த வகையில், அதே வகையான மற்றொரு சேவையகத்தை மீண்டும் உருவாக்க வேண்டும் என்று முடிவு செய்யும்போது, அல்லது ஒரு நண்பருக்கு அவர்களின் சேவையகத்தில் உதவ, புதியதாக தொடங்க வேண்டியதில்லை.