மற்றொரு தினம் ஒரு கட்டளை பதிவில் அனைவரையும் சந்திப்பதில் மகிழ்ச்சி.
8 வது நாள்
PS – Process Selection (Snapshot)
லினக்ஸ் கணினியில் துவங்கியதிலிருந்து பல செயல்படுகள் நிகழ்ந்துகொண்டே இருக்கும். அந்த நிகழ்வுகளை ஒரு நிழற்படம் போல ஒருகனப் பொழுதில் இருப்பனவற்றை பட்டியலிட்டு காட்ட இந்த கட்டளை பயன்படுகிறது.
தொடரியல்:
hariharan@kaniyam : ~/odoc $ ps
இந்த கட்டளை தற்போது கட்டளை இயக்கியில் இயக்கத்தில் இருக்கும் செயல்பாடுகளை காண்பிக்க பயன்படுகிறது.
தெரிவுகள்:
இந்த கட்டளைக்காண தெரிவுகள் மூன்று வகைகளில் அளிக்கலாம்.
- Unix தெரிவுகள் ஒரு இடைக்கோடு(hyphen) முன்வர ஒன்றினைக்கப்பட்ட அல்லது தனித் தெரிவுகள்.
2.BSD தெரிவுகள் இடைக்கோடு இல்லாமல் குழுவாக்கப்பட்ட தெரிவுகள் அல்லது தனித் தெரிவுகள்.
3.குனு நீண்ட தெரிவுகள் இரண்டு இடைக்கோடுடன் உள்ள தெரிவுகள்.
-a செயல்பாட்டு தலைவர்கள் மற்றும் முனையத்தை சார்ந்திடாத செயல்பாடுகள் தவிர்த்து பிற அனைத்து செயல்பாடுகளையும் பட்டியலிடுகிறது.
T தற்போதய முனையத்துடன் தொடர்புடைய செயல்பாடுகளை பட்டியடில பயன்படுகிறது.
இதே போல பல தெரிவுகள் இருக்கின்றன அதை பற்றிய உங்களின் தேடலுக்கு ஏற்றார் போல் நீங்களே கற்க வேண்டுகிறேன்.
சில எடுத்துக்காட்டுகள்:
hariharan@kaniyam: ~/odoc $ ps aux
தற்போது நிகழ்ந்துகொண்டிருக்கும் செயல்பாடுகளை அதிக விவரங்களோடு அறிய பயன்படுகிறது.
hariharan@kaniyam: ~/odoc $ ps -ef
aux காட்டும் விவரத்தோடு சில கூடுதல் விவரங்களை மேற்கண்ட கட்டளை அளிக்கிறது.
நன்றி!
ஹரிஹரன் உமாபதி , மென்பொறியாளர்,
Programmer Life – programmerlife1.wordpress.com