கணினியில் தருக்கமுறைகள் எவ்வாறு செயல்படுகின்றன: தொடக்கநிலையாளர்களுக்கான ஒரு வழிகாட்டி

 கணினியில் தருக்கமுறைகள் என்பவை, ஒரு சமையல் செய்வது எவ்வாறு எனக்கூறும் சமையல்கலை எனும் புத்தகத்தில் உள்ள சமையல் குறிப்பைப் போன்றே, ஒரு சிக்கலை எவ்வாறு தீர்ப்பது அல்லது ஒரு பணியை எவ்வாறு செய்துமுடிப்பது என்று கணினிக்குக் கூறும் படிப்படியான வழிமுறை களாகும். அடிப்படை கணக்கீடுகள் முதல் சிக்கலான செய்யறிவு (AI) வரை, நவீன எண்ணிம கருவிகள் அனைத்தும் சரியாகச் செயல்பட தருக்கமுறை களையே பெரிதும்சார்ந்துள்ளன.

தருக்கமுறைகள் எவ்வாறு செயல்படுகின்றன

ஒவ்வொரு தருக்கமுறையும் மூன்று–படிநிலையின் சுழற்சியைப் பின்பற்றுகிறது:

• உள்ளீடு: சிக்கலிற்கான தரவைப் (எண்கள், உரை, படங்கள், காணொளிகள்) பெறுகிறது.

• செயலாக்கம்: நிரலாக்கம் செய்யப்பட்ட விதிகளின்படி தரவை மதிப்பிடுகிறது, ஒப்பிடுகிறது , செயலாக்குகிறது. கணினிகள் வழிமுறைகளை மீச்சிறு வினாடிகளில் செயலாக்குவதால், இந்தக் கட்டம் கிட்டத்தட்ட உடனடியானதாகத் தோன்றும்.

• வெளியீடு: தேடல் முடிவுகள், பரிந்துரைக்கப்பட்ட தயாரிப்புகள் அல்லது வரைபடமாக்கப்பட்ட பயண வழிகள் போன்ற இறுதி முடிவை உருவாக்குகிறது.

தருக்கமுறைகளின் முக்கிய வகைகள்

• தேடல் தருக்கமுறைகள்: பரந்த தரவுத் தொகுப்புகளில் (எ.கா., தேடுபொறிகள்) குறிப்பிட்ட தகவல்களைக் கண்டறிகின்றன.

• வரிசைப்படுத்தும் நெறிமுறைகள்: விலை அல்லது பிரபலம் ஆகிய வற்றின் அடிப்படையில் தயாரிப்புகளை வரிசைப்படுத்துவது போன்று, தரவை முறையாக ஒழுங்கமைக்கின்றன.

• வரைபட வழிமுறைகள்: உகந்த பாதைகளைக் கண்டறிய, இடங்கள் அல்லது தரவுப் புள்ளிகளுக்கு இடையேயான இணைப்புகளை அடையாளம் காண்கின்றன (எ.கா., GPS வழிசெலுத்தல்).

• இயந்திர கற்றல் வழிமுறைகள்: பெரிய தரவுத் தொகுப்புகளைப் பகுப்பாய்வு செய்து, வடிவங்களைக் கண்டறிந்து, காலப்போக்கில் தங்களைத் தாங்களே மேம்படுத்திக் கொள்கின்றன (எ.கா., செய்யறிவு (AI) பயன்பாடுகள்).

அன்றாட வாழ்வில் வழிமுறைகள்

அன்றாட எண்ணிம சேவைகளில் வழிமுறைகள் திரைக்குப் பின்னால் செயல்படுகின்றன:

• வெள்ளோட்டமும் மின் வணிகமும்: கடந்தகால செயல்பாடுகளின் அடிப்படையில் தனிப்பயனாக்கப்பட்ட உள்ளடக்கம் , தயாரிப்புகள் ஆகியவற்றினைப் பரிந்துரைக்கின்றன.

• வங்கிச் சேவை: நிகழ்நேரத்தில் சாத்தியமான மோசடியைக் கண்டறிய பரிமாற்றங்களைப் பகுப்பாய்வு செய்கின்றன.

• மின்னஞ்சல்: முதன்மை உள்வருகைபெட்டியிலிருந்து குப்பைமின்னஞ்சல் செய்திகளைத் தானாகவே வடிகட்டுகின்றன.

செயல்திறன் ஏன் முக்கியம்

தரவுகளின் அளவு அதிகரிக்கும்போது, மேம்படுத்தப்பட்ட வழிமுறைகள் குறைந்த வளங்களைப் பயன்படுத்தி தகவல்களை வேகமாகச் செயலாக்குகின்றன. பெரிய தொழில்நுட்ப நிறுவனங்களுக்கு, சிறிய செயல்திறன் மேம்பாடுகள் சேவையாளர் செலவுகள், ஆற்றல் நுகர்வு , செயலாக்க நேரங்கள் ஆகியவற்றினைக் கணிசமாகக் குறைக்கின்றன.

சமீபத்திய திருப்புமுனைகளும் மேம்பாடுகளும்

• Neuromorphic எனும்செய்யறிவு (AI): ஆராய்ச்சியாளர்கள், மனித மூளையால் ஈர்க்கப்பட்ட செய்யறிவு (AI) தருக்கங்களை உருவாக்கி வருகின்றனர். இவை மிகக் குறைந்த ஆற்றல் தேவைகளுடன் உயர் செயல்திறனை வழங்குகின்றன.

• குவாண்டம் கணினி: குவாண்டம் தருக்கங்களில் ஏற்பட்டுள்ள முன்னேற்றங்கள், அதிவேக மீத்திறன் கணினிகளை விட 1,300 மடங்குக்கும் அதிகமான வேகத்தில் சிறப்புச் செயல்பாடுகளைச் செயல்படுத்த அனுமதிக்கின்றன. இது குவாண்டத்திற்கு பிந்தைய சைபர் பாதுகாப்பு மாதிரிகளுக்கான ஒரு இணையான உந்துதலை அளிக்கிறது.

• சுகாதாரம்: IITஇந்தூரில் உள்ள ஆராய்ச்சியாளர்கள், துவக்க நிலை நுரையீரல் புற்றுநோயை 95%க்கும் அதிகமான துல்லியத்துடன் கண்டறியும் திறன் கொண்ட செய்யறிவு (AI) தருக்கங்களை உருவாக்கியுள்ளனர்.

தினசரி செயலிகளின் பரிந்துரைகள் முதல் குவாண்டம் கணினி, மருத்துவம் , சைபர் பாதுகாப்பு ஆகியவற்றில் ஏற்பட்டுள்ள திருப்புமுனைகள் வரை, நவீன தொழில்நுட்பத்தை இயக்கும் கண்ணுக்குத் தெரியாத இயந்திரங்களாக தருக்கங்கள் உள்ளன. தரவும் தானியக்கமும் விரிவடையும்போது, திறமையான தருக்கங்கள் தொழில்நுட்ப வளர்ச்சிக்கு மையமாகத் தொடரும்.

அடிக்கடி கேட்கப்படும் கேள்விகள்:

தருக்கம் என்றால் என்ன? :

ஒரு தருக்கம் என்பது ஒரு பணியை முடிக்க அல்லது ஒரு சிக்கலைத் தீர்க்க ஒரு கணினியானது பின்பற்றுகின்ற படிப்படியான வழிமுறைகளின் தொகுப்பாகும். இது தகவல்களைச் செயலாக்குவதற்கும் விரும்பிய முடிவை உருவாக்குவதற்கும் ஒரு தெளிவான வழிமுறையாகச் செயல்படுகிறது.

தருக்கங்கள் எங்கு பயன்படுத்தப்படுகின்றன?

தேடுபொறிகள், சமூக ஊடகத் தளங்கள், இணையவிற்பனை தளங்கள், வங்கி அமைப்புகள், சுகாதாரப் பயன்பாடுகள் ,வழிசெலுத்தல் சேவைகள் உள்ளிட்ட நவீன தொழில்நுட்பம் முழுவதும் தருக்கங்கள் பயன்படுத்தப் படுகின்றன. பொதுமக்கள் அன்றாடம் பயன்படுத்தும் பல எண்ணிம கருவிகளுக்கு அவை ஆற்றல் அளிக்க உதவுகின்றன.

தருக்கங்கள் ஏன் முக்கியமானவை?

தருக்கங்கள் மிகமுக்கியமானவைகளாகும், ஏனெனில் அவை கணினிகளுக்கு தரவுகளை விரைவாகச் செயலாக்கவும், திறமையாக முடிவுகளை எடுக்கவும், பணிகளைத் துல்லியமாகவும் சீராகவும் செய்யவும் உதவுகின்றன. பெரும்பாலான மென்பொருள்கள் ,எண்ணிம சேவைகளின் அடித்தளமாக அவை அமைகின்றன.

தருக்கத்திற்கும் நிரலாக்கத்திற்கும் என்ன வேறுபாடு?

தருக்கம் என்பது ஒரு சிக்கலைத் தீர்க்க வடிவமைக்கப்பட்ட அடிப்படை வழிமுறை அல்லது படிநிலைகளின் தொகுப்பாகும், அதேசமயம் நிரலாக்கம் என்பது ஏதேனுமொரு நிரலாக்க மொழியில் எழுதப்பட்டு, அந்தப் படிநிலைகளைக் கணினியில் செயல்படுத்தும் உண்மையான குறிமுறைவரிகளாகும்.

தருக்கங்களால் தாங்களாகவே கற்றுக்கொள்ள முடியுமா?

இயந்திரக் கற்றலில் பயன்படுத்தப்படும் சில தருக்கங்கள், காலப்போக்கில் தரவுகளைப் பகுப்பாய்வு செய்வதன் மூலம் தங்கள் செயல்திறனை மேம்படுத்திக்கொள்ள முடியும். இந்தக் கற்றல் தருக்கங்கள், வடிவங்கள் , பின்னூட்டங்கள் ஆகியவற்றின் அடிப்படையில் தங்கள் மாதிரிகளைச் சரிசெய்கின்றன, மேலும் கூடுதல் தகவல்களைச் செயலாக்கும்போது அவை பெரும்பாலும் அதிகத் துல்லியமாகின்றன.